《馳騁澳洲》
點解要去澳洲讀獸醫，唔使我講大家都知就係當地嘅大自然環境同埋野生動物，實在係一個最有利嘅學習環境。有自己嘅動物診所、動物醫院就唔使講，仲有自己嘅農場。好記得問大學公關，究竟農場有幾大，佢話真係冇計過，但我可以話俾你知係揸車兜嚟兜去，都彷彿睇唔晒嘅地方。
今次呢個同學，真係一個好得人歡喜、謙虛有禮嘅女仔。陪住我哋捱麵包拍攝唔在講，沿途去農場個幾鐘頭車程，見佢靜哂，以為佢太攰瞓咗，點知原來係溫緊書😱諗住去澳洲讀獸醫嘅朋友，真係，唔好諗住可以Hea，讀獸醫，其實讀醫生真係冇分別，要讀嘅嘢可以話係「海量」。
另外，千辛萬苦游說到馬會一個已經退咗休嘅獸醫做訪問，我覺得佢真係bite王，做記者最鍾意就係呢一類被訪者，一個字「真」。
寫寫下原來都咁長😂想詳細睇多啲，最緊要留意6月5號8:30pm財經資訊台！
P.S. 做咗呢個節目都差唔多一年，去左英國同日本等等，今次去埋澳洲(話唔埋最後一次😂），所以的起心肝，用Siri口述😂(實在太忙趕稿，口語化d,希望大家唔好介意)
Search